कम्बोडिया : आमनिर्वाचनका लागि प्रमुख विपक्षी दललाई मान्यता दिन अस्वीकार
काठमाडौं । कम्बोडियाको राष्ट्रिय निर्वाचन समिति (एनईसी) ले जुलाईमा हुने आम निर्वाचनका लागि प्रमुख विपक्षी क्यान्डललाइट पार्टीलाई मान्यता दिन अस्वीकार गरेको छ ।
राष्ट्रिय आयोगका अध्यक्ष प्राच चानले हस्ताक्षर गरेको निर्णयमा पार्टीले आफ्नो मूल दल दर्ताको प्रमाणिकरण प्रतिलिपि पेश गर्न नसकेका कारण क्यान्डललाइट पार्टीलाई आगामी निर्वाचनका लागि अयोग्य ठहर गरेको छ ।
हालसम्म आयोगले आगामी निर्वाचनका लागि १८ राजनीतिक दललाई औपचारिक मान्यता दिएको छ । तीमध्ये सत्तारुढ कम्बोडियन पिपुल्स पार्टी र शाहीवादी फनसिनपेक पार्टी छन् । दक्षिणपूर्वी एसियाली राष्ट्रले २३ जुलाईमा १२५ सिटको राष्ट्रिय सभाको लागि आम चुनाव गर्ने कार्यक्रम छ ।
९७ लाखभन्दा बढी कम्बोडियालीहरूले मतदानका निम्ति नाम दर्ता गरेका छन् । पाँच वर्षअघि सम्पन्न आमनिर्वाचनमा कुल २० राजनीतिक दलले निर्वाचनमा भाग लिएका थिए ।