देवेन्द्र पौडेलको प्रश्न : सदन प्रतिपक्षीको मात्रै हो भनेर कहाँ लेख्या छ ?
काठमाडौं । सत्तारुढ नेकपा माओवादी केन्द्रका सांसद देवेन्द्र पौडेलले संसद जनताबाट निर्वाचित भएका प्रतिनिधिहरूको साझा संस्था भएको बताएका छन् । प्रतिनिधिसभामा जनताका मुद्दाहरू लगातार उठिरहुन पर्ने पौडेलको भनाइ छ ।
आज (मंगलबार) को संसद बैठकमा पौडेलले भने, ‘यो सदन हामी सबैको हो । कुनै पनि नियमावली र कार्यविधिमा यो सदन प्रतिपक्षीको मात्रै हो भनेर लेखिएको छैन ।’
उनले शिक्षकले पढाउन, डाक्टरले उपचार गर्न छाडे के हुन्छ भन्दै सांसदहरूले सदन चल्न नदिए के हुन्छ भनेर प्रश्न गरे । उनले लगातार सदन अवरुद्ध गर्ने विषय राम्रो नभएको टिप्पणी गरेका छन् ।
