कलाकारहरुले यसरी लगाए दसैंको टीका (तस्वीरहरु)
काठमाडौं । आज विजया दशमीका दिन बिहानैबाट मान्यजनको हातबाट टीका र जमारा लगाएर आशिर्वाद लिइँदैछ । नेपाली कलाकारहरुले पनि आज मान्यजनबाट टीका लगाएर दसैं मनाएका छन् ।
टीका र जमरा लगाएपछिको तस्वीरहरु उनीहरुले सामाजिक सञ्जालमार्फत शेयर गरेका छन् । कलाकार दीपाश्री निरौराले जन्मथलो विराटनगर पुगेर दसैं मनाएकी छिन् । उनले परिवारसँग दसैं सेलिब्रेट गरेको तस्विर सेयर गरेकी छिन् ।
कलाकार मदनकृष्ण श्रेष्ठले पनि परिवारका साथ टीका लगाएर विजया दशमी मनाएका छन् । नेपाल चलचित्र विकास बोर्डका अध्यक्ष भुवन केसीले पनि दसैंको टीका लगाइरहेको तस्वीर शेयर गरेका छन् ।
उनले आफूभन्दा ठूलाबाट टिका ग्रहण गर्दै छोरा अनमोल केसीलाई टीका लगाइदिएका छन् । अभिनेत्री ऋचा शर्माले पनि काठमाडौंस्थित घरमै परिवारसँग दसैं मनाएकी छिन् । श्रीमान र छोरासँग फोटो खिचेर सामाजिक सञ्जालमा राख्दै उनले दसैंको शुभकामना दिएकी छिन् ।
त्यस्तै, अभिनेत्री केकी अधिकारी र वर्षा शिवाकोटीले परिवारसँग दसैं मनाएको तस्वीरहरु फेसबुकमा राखेका छन् । कलाकार केदार घिमिरे (माग्ने बुढा) ले ९८ वर्षकी हजुरआमाको हातबाट टीका लगाएका छन् । हजुरआमासँग टीका लगाएको फोटो शेयर गर्दै उनले शुभकामना दिएका छन् । गायिका समीक्षा अधिकारीले आफ्नो घर पोखरा पुगेर दसैं सेलिब्रेट गरेकी छिन् । उनले परिवारसँगको फोटो राख्दै दसैंको शुभकामना दिएकी छिन् ।
कलाकार जितु नेपालले पनि ८८ वर्षको आमाको हातबाट टीठका लगाउँलै दसैं मानेका छन् । श्वेता खड्काले पनि श्रीमान र छोरीहरुसँगको दसैं मनाएकी छिन् । अभिनेत्रीद्वय दिपिका पसाई र नीता ढुंगानाले पनि टीका र जमरा लगाएर दसैं मनाएको तस्वीरहरु फेसबुकमा सार्वजनिक गरेका छन् । त्यस्तै कलाकार सीताराम कट्टेल ‘धुर्मुस’, कलाकार निर्मला शर्मा, निर्माता तथा निर्देशक सन्तोष सेन लगायतले पनि दसैं मनाएको फोटोहरु शेयर गरेका छन् ।