काग्लिअरीमाथि रोमा ४–० ले विजयी
काठमाडौं । इटालियन ‘सिरी ए’ अन्तर्गत एएस रोमाले काग्लिअरीमाथि शानदार जित हासिल गरेको छ । गए राति सम्पन्न खेलमा रोमाले काग्लिअरीलाई ४–० गोल अन्तरले पराजित गरेको हो । रोमाको जितमा पाउलो डिबालाले २ गोल गरे भने लोरेंजो पेल्लेग्रिनी र डीन हुइजसेनले एक एक गोल गरेका थिए ।
रोमाले योसहित पछिल्ला चार खेलमा लगातार जित हासिल गरेको छ । यो जितपछि रोमा २३ खेलमा ३८ अंकसहित लिगमा पाँचौं स्थानमा उक्लिएको छ । त्यसैगरी काग्लिअरीको भने २३ खेलमा १८ अंक रहेको छ र लिगमा १८औ स्थानमा रहेको छ ।