कर्णाली पुलबाट हाम फालेर बेपत्ता शाहीको शव चार दिन पछि भेटियो
सुर्खेत । कर्णाली पुलबाट हाम फालेर बेपत्ता भएका लोकेन्द्र शाहीको शव भेटिएको छ । लम्की चुहा नगरपालिका–३ का वडाध्यक्ष लब शाहीले उनको शव टीकापुर नगरपालिकास्थित सनकट्टी घाटमा भेटिएको जानकार दिए ।
पानीमा तैरिएको अवस्थामा शाहीको शव भेटिएको बताइएको छ । शाहीका आफन्तले शवको सनाखत गरेका छन् । इलाका प्रहरी कार्यालय टीकापुरको टोली घटनास्थलतर्फ गएको छ । शाही चैत १२ गते होलीको दिन कर्णाली पुलबाट हाम फालेर बेपत्ता भएका थिए । उनीसँगै अन्य १६ जनाले समेत पुलबाट हाम फालेका थिए । उनीहरुले रमाइलो गर्ने क्रममा पुलबाट हाम फालेको बताइएको छ ।
