निशाले इन्स्टाग्राममा लेखिन् ‘सेलिब्रेटिङ एभ्री बिट अफ इट’
काठमाडौं: आम नेपाली महिलाहरु गर्भवती बनेको बेला आफ्नो ठूलो भुँडी लुकाएर हिँड्छन् । तर, नायिका निशा अधिकारीले सामाजिक सञ्जालमै आफ्नो ‘बेबी बम्प’ प्रदर्शन गरेकी छिन् ।
इन्स्टाग्राममा सोमबार राखेको तस्वीरमा नायिकाले टिशर्ट माथि उठाएर आफ्नो गर्भवती अवस्था देखाएकी हुन् । उनले क्याप्सनमा लेखेकी छिन्, ‘सेलिब्रेटिङ एभ्री बिट अफ इट’ ।
यो तस्वीरले निकै प्रतिक्रियाहरु जन्माएको छ । कतिपयले यसलाई ‘नौटंकी’ देखाएको भन्दै नायिकाको खिसी गरेका छन् भने केहीले सामान्य रुपमा लिएका छन् । एक जनाले चाहिँ शरद भेषवाकरले धेरै राम्रो ‘ब्याटिङ’ गरेको भन्दै प्रशंसा गरेका छन् । फोटोमा दश हजारभन्दा बढि लाइक आएको छ । तीन सय पैसठी भन्दा बढि कमेन्ट आइसकेका छन् ।
निशाको क्रिकेटर शरद भेषावकरसँग लामो प्रेमपछि बिवाह भएको थियो ।