कर्णाली पुलमा गुडिरहेको ट्रकमा आगलागी
आगो पुलमा समेत सल्कियो
काठमाडौं : कर्णाली पुलमाथि एउटा ट्रकमा सोमबार आगलागी भएको छ । बर्दियाको ठाकुरबाबा नगरपालिका–२ स्थित कर्णाली पुलमाथि ट्रकमा आगो लागेको हो ।
वीरगन्जबाट कञ्चनपुरतर्फ जाँदै गरेको ना ५ख ५२९७ नम्बरको लाइटर बोकेको ट्रकमा गुड्दा गुड्दै एक्कासि आगो लागेको प्रहरीले जनाएको छ ।
ट्रकबाट आगो पुलमा समेत सल्किएको छ । ट्रकमा लागेको आगो नियन्त्रणका निम्ति कैलालीको घोडाघोडी नगरपालिकाको दमकल पुगेको छ । आगो नियन्त्रणको प्रयास जारी छ ।
